Freitag, 11. Januar 2008
Gollumne: Greudsl
besteckfachinlaufrichtung, 16:08h
Bald isses sohweid, nor. Dann gönn' mer alle Greudse machn. Bürschorenddscheid, heeßds dann. Befohr mir abor das Greudsl machn dun, haldsch noch ä ma die Lufd an und überlesche. Weil, das is ja ooch alles gar ni so eenfach. Das midn Schdadwergn und dor Bollidigg.
Die Bordein dun ja grad ihr Besdes, um uns mäschdsch zu forwirr'n. Die säggsche Folgsbordei EffDehBee will uns middeiln, dass man die gude halbe Milliarde von den Franndsosn in die Sanierung von Schuln und Gidas schdeggn kann. Nor, die immer weenschor werdndn Schülor brauchn alle Carrara-Marmor-Fußböhdn. Leuschded dodal ein.
Die TseeTeeUhh is ja och sowas fürn Forgoof, also die dädn alle mit "Nee" schdimmn, weil die Bürschorendscheidanschiebor wolldn ja ni als Neesachor daschdehn und ham die Aussache "Nee zum Forgoof" zu "Ja zum Nichdforgoof" getrehd. Doch tsurügg tsur TseeTeeUhh. Die sind sisch noch ni so krühn, weil die wolln nur Briwwadisiern, wenn och dor Rest schdädschn Eichendums forglobbd wern gann. An wen eischndlisch ham se noch ni gesaachd. Fielleischd will ja ma ä russ'schor Milliardär sisch die Tatra-Bahnn dor LVB undorn Nachl reissn. Kann ja sinn.
Die Schbliddorbordei EssBeeDeh is geschlossn unendschlossn. Dor Gornelius Weiss, der ooch ma Reggdor an dor Unnie war, lässt sisch nämlisch als Befürwordor dor Briwwadisierungsgeschnor ablischdn und läschld uns von hundordn Blaggadn endgeschn.
Dabei is der in dor Landdachsfraggdsion dor EssBeeDeh, die selber eischndlisch für den Forgoof is. Nu ja, da globbn die sich jedse ä bissl selbor.
Wenschsdns die Krühn'n und die Bost-Gommunisdn bei dor BeeDehEss sind so dsiemlisch alle gehgn, nee, für ... Ach, die wolln einfach ni die Schdadwerge und soe forgoofn.
Und dor Burghardd Jung, was unsor gleenor Diefnsee is, nor, der schdehd morgens off und sachd seim Schbieschl, dass die Franndsosn ä eggszellendor Bardnor wärn. Und der eene Sadds reischd dem föllisch. Den sachd der jedm, der ihm undor die Madscheguggln gomm' dud. Bissor dann ahmds wiedor vorm Schbieschl schdehd, sich von sich selbor verabschiedn dud und dabei "eggszellendor Bardnor" brabbld.
Also, jedse, wo wor alle ni schlauor sinn, drodsdehm alle Greudsl machn am Siehmtswandschdn. Ni glei dreie, eens dud gloobsch reischn.
Dei Beeschbeoffdragdor.
Die Bordein dun ja grad ihr Besdes, um uns mäschdsch zu forwirr'n. Die säggsche Folgsbordei EffDehBee will uns middeiln, dass man die gude halbe Milliarde von den Franndsosn in die Sanierung von Schuln und Gidas schdeggn kann. Nor, die immer weenschor werdndn Schülor brauchn alle Carrara-Marmor-Fußböhdn. Leuschded dodal ein.
Die TseeTeeUhh is ja och sowas fürn Forgoof, also die dädn alle mit "Nee" schdimmn, weil die Bürschorendscheidanschiebor wolldn ja ni als Neesachor daschdehn und ham die Aussache "Nee zum Forgoof" zu "Ja zum Nichdforgoof" getrehd. Doch tsurügg tsur TseeTeeUhh. Die sind sisch noch ni so krühn, weil die wolln nur Briwwadisiern, wenn och dor Rest schdädschn Eichendums forglobbd wern gann. An wen eischndlisch ham se noch ni gesaachd. Fielleischd will ja ma ä russ'schor Milliardär sisch die Tatra-Bahnn dor LVB undorn Nachl reissn. Kann ja sinn.
Die Schbliddorbordei EssBeeDeh is geschlossn unendschlossn. Dor Gornelius Weiss, der ooch ma Reggdor an dor Unnie war, lässt sisch nämlisch als Befürwordor dor Briwwadisierungsgeschnor ablischdn und läschld uns von hundordn Blaggadn endgeschn.
Dabei is der in dor Landdachsfraggdsion dor EssBeeDeh, die selber eischndlisch für den Forgoof is. Nu ja, da globbn die sich jedse ä bissl selbor.
Wenschsdns die Krühn'n und die Bost-Gommunisdn bei dor BeeDehEss sind so dsiemlisch alle gehgn, nee, für ... Ach, die wolln einfach ni die Schdadwerge und soe forgoofn.
Und dor Burghardd Jung, was unsor gleenor Diefnsee is, nor, der schdehd morgens off und sachd seim Schbieschl, dass die Franndsosn ä eggszellendor Bardnor wärn. Und der eene Sadds reischd dem föllisch. Den sachd der jedm, der ihm undor die Madscheguggln gomm' dud. Bissor dann ahmds wiedor vorm Schbieschl schdehd, sich von sich selbor verabschiedn dud und dabei "eggszellendor Bardnor" brabbld.
Also, jedse, wo wor alle ni schlauor sinn, drodsdehm alle Greudsl machn am Siehmtswandschdn. Ni glei dreie, eens dud gloobsch reischn.
Dei Beeschbeoffdragdor.
... comment
le.x,
Freitag, 11. Januar 2008, 17:45
Un nu? was empfählsde denn herr beoffdragdr
isch tät gern ma wissn was nu gudd is. aus meiner sischd fändsch ehn vergof gar nisch schlechd da bekomm die sesselfurzer von dr verwaldung mal ein bissl druck und müss'snsch endlisch mal nach'n markt richten un dazu würd'ns mal aus ihrem postgommunistschs traum gerissen, dann fühl ich mich ma endlich widder als kunde nich nur als biddsteller... haste mal n dipp wos'sch dr interessierte bürcher informieren kann - so onlineteschnisch, meinsch?
... link
besteckfachinlaufrichtung,
Freitag, 11. Januar 2008, 18:07
Ausgewoochne Gwelln dürfdn schwiersch zu findne sein. Desderweschn guggsde am besdn die Argumende beidor Seidn an. Die Bürschorendscheidaggdeure sind undor
http://www.buergerbegehren-leipzig.de/ orreischbor, die Teilforgäufor ham geene eeschne Seide. Da mussde ä bissl luggiluggi machne.
http://www.buergerbegehren-leipzig.de/ orreischbor, die Teilforgäufor ham geene eeschne Seide. Da mussde ä bissl luggiluggi machne.
... link
... comment
